]صحيح حلوه بس ما فيني غرور.
فيني جراءه حاضنتها طفوله...
أحب صمت الليل وإشعاعة النور
أفرح بزخات المطر وبهطوله...
وأحب اجننهم تفاكير وصدور
وأحب اكون الصعب محد ينوله..
.
العب على الدنيا ولا أتقن الدور
افشل واحاول لين حزت البطوله...
بساطتي ما هي بعيب ولا قصور
ما همني من قال عني خجوله...
صحيح ما ني شيخة الزين والحور
اللي تهز الكون طوله وعرضه...
بس انا عندي قلب لو عاش مقهور
يضحك لو إن الجرح يركي حموله...
وسطه عناد يكره الظلم ويثور
على عقول الظالمين الجهوله...
وبداخلي تلقى معاناة ومرور
واسرار محكومه بصوله وجوله...
صحيح في عمري مطبات وحدود
و ما كل شي نأصله بسهوله ...
هذا انا طبعي وانت مشكور
ولكل شخص يا غناتي ميوله ...